Bakıda yanmış binanın sakinlərinin əşyalarının daşınması üçün nəqliyyat vasitələri ayrılıb (FOTO)

Azərbaycan, Bakı, 20 may /Trend, müxbir İlkin İzzət/

Bakı şəhəri Binəqədi rayonunda yanmış 16 mərtəbəli binanın sakinlərinə yararlı vəziyyətdə olan əşyalarını binadan çıxarmaq üçün şərait yaradılıb.

Trend-in hadisə yerində olan müxbirinin verdiyi məlumata görə, əşyaların çıxarılması və daşınması üçün icra hakimiyyəti tərəfindən işçi qüvvəsi və nəqliyyat vasitələri ayrılıb.

Oğurluq hallarının baş verməməsi üçün bina polis əməkdaşları tərəfindən mühafizə edilir.