...

Təhsil naziri pullu təhsil alan tələbələrə də təqaüd verilməsini təklif edir

Cəmiyyət Materials 7 Avqust 2015 16:22 (UTC +04:00)
Azərbaycanda tələbələrə təqaüd tələbənin akademik göstəricilərindən asılı olaraq ödənilməlidir.
Təhsil naziri pullu təhsil alan tələbələrə də təqaüd verilməsini təklif edir

Azərbaycan, Bakı, 7 avqust /Trend, müxbir İlhamə İsabalayeva/

Azərbaycanda tələbələrə təqaüd tələbənin akademik göstəricilərindən asılı olaraq ödənilməlidir. Trend-in məlumatına görə, bunu ANS telekanalına müsahibəsində Azərbaycanın təhsil naziri Mikayıl Cabbarov deyib.

Nazirin sözlərinə görə, bu gün Azərbaycanda dövlət sifarişi ilə təhsil alan tələbə 4 il ərzində pulsuz oxumaqla yanaşı, həm də dövlətdən təqaüd alır. Pullu, yəni ödənişli təhsil alan isə bu təqaüdü ala bilmir: "Biz bu sistemi rəqabət mühiti üçün ədalətsiz sistem hesab edirik. Onların hər ikisi eyni vəziyyətdə olmalıdır və təqaüd tələbənin akademik göstəricilərindən asılı olaraq ödənilməlidir".

M.Cabbarovun sözlərinə görə, "dövlət sifarişli" təhsilə el arasında "pulsuz təhsil" də deyilir. Əslində isə bu, pulsuz deyil, pullu təhsildir. Sadəcə olaraq, bu təhsilin pulunu dövlət qrant kimi ödəyir: "Mən təbii olaraq, bu sistemin qorunmasının tərəfdarıyam. Lakin biz bir məsələdə artıq islahata başlamışıq".

Məqalədə:
Xəbər lenti

Xəbər lenti