...

Rabitə və Yüksək Texnologiyalar Nazirliyin tətbiq etdiyi cərimələr yeni qaydada ödəniləcək

Cəmiyyət Materials 3 Sentyabr 2015 13:13 (UTC +04:00)
Rabitə və Yüksək Texnologiyalar Nazirliyinin (RYTN) tətbiq etdiyi inzibati cərimələr “ASAN ödəniş” sistemi vasitəsi ilə ödəniləcək. Bu barədə Trend-ə Nazirlikdən məlumat verilib.
Rabitə və Yüksək Texnologiyalar Nazirliyin tətbiq etdiyi cərimələr yeni qaydada ödəniləcək

Azərbaycan, Bakı, 3 sentyabr /Trend, müxbir Hüseyn Vəliyev/

Rabitə və Yüksək Texnologiyalar Nazirliyinin (RYTN) tətbiq etdiyi inzibati cərimələr "ASAN ödəniş" sistemi vasitəsi ilə ödəniləcək. Bu barədə Trend-ə Nazirlikdən məlumat verilib.

RYTN "Azərbaycan Respublikasının Rabitə və Yüksək Texnologiyalar Nazirliyi tərəfindən baxılan inzibati xətaların törədilməsinə görə inzibati tənbehlərin tətbiqi haqqında Qaydalar"da dəyişikliklər edib.

Dəyişikliyə əsasən, nazirlik inzibati xəta törətmiş şəxsin elektron kabinetində yerləşdirilməsi, onun məlumatlandırılması, inzibati xəta haqqında iş üzrə qərardan şikayət verilməsi və inzibati cərimələrin elektron qaydada ödənilməsi imkanının təmin edilməsi üçün "ASAN ödəniş" sistemi haqqında Əsasnamə"də göstərilən məlumatları real vaxt rejimində "ASAN ödəniş" sisteminə ötürəcək.

Bununla yanaşı, digər dəyişiklik nəticəsində inzibati cərimənin şamil olunmadığı şəxslərin sırası genişləndirilib. Belə ki, indiyə qədər Rabitə və Yüksək Texnologiyalar Nazirliyinin səlahiyyətli vəzifəli şəxsləri RYTN tərəfindən baxılan inzibati xətaların törədilməsinə görə təkcə müddətli həqiqi hərbi xidmət keçən hərbi qulluqçulara inzibati cərimə tətbiq edə bilməzdilər.

Dəyişikliyə görə, inzibati cərimə tətbiq edilə bilməyən şəxslərin sırasına hərbi qulluqçu hazırlayan xüsusi təyinatlı təhsil müəssisələrinin kursantları da daxil edilib.

Məqalədə:
Xəbər lenti

Xəbər lenti