...

"Azəryolservis"in qurumdakı ixtisarlarla bağlı açıqlaması

Cəmiyyət Materials 7 Yanvar 2016 13:06 (UTC +04:00)
"Azəryolservis" Açıq Səhmdar Cəmiyyəti qurumda gedən ixtisarlarla bağlı yayılan məlumatlarla bağlı açıqlama yayıb.
"Azəryolservis"in qurumdakı ixtisarlarla bağlı açıqlaması

Bakı. Samir Əli - Trend:

"Azəryolservis" Açıq Səhmdar Cəmiyyəti qurumda gedən ixtisarlarla bağlı açıqlama yayıb. Trend-in məlumatına görə, bu barədə qurumun mətbuat xidmətinin rəhbəri Anar Nəcəfli məlumat verib.

Məlumatda bildirilir ki, "Azərbaycan Respublikasının nəqliyyat-yol kompleksində idarəetmənin təkmilləşdirilməsi tədbirləri haqqında" Azərbaycan Respublikası Prezidentinin 2007-ci il 22 fevral tarixli 1992 nömrəli Sərəncamında dəyişikliklər edilməsi barədə 28 dekabr 2015-ci il Sərəncamına əsasən, "Azəryolservis" ASC Nəqliyyat Nazirliyinin tabeliyindən çıxarılıb və Nazirlər Kabinetinə cəmiyyətin yeni Nizamnaməsinin, həmçinin strukturunun layihələrini hazırlamaq tapşırılıb.

Yeni strukturun formallaşdırılması, idarə və şöbələrin adlarının, ştat vahidlərinin dəyişdirilməsi üzərində işlər aparıldığına görə, cəmiyyətin bütün əməkdaşlarından əmək müqavilələrinə xitam verilməsi barədə ərizələr toplanılır.

Cəmiyyətin yeni strukturu təsdiq olunandan, ştat vahidləri müəyyən olunduqdan sonra yol təsərrüfatı üzrə təcrübəli mütəxəssislərdən ibarət komissiya yaradılacaq. Həmin komissiya aidiyyəti idarə və şöbələrə sırf avtomobil yolları təsərrüfatı sahəsində kifayət qədər bilik və bacarığa malik əməkdaşları seçəcək və onlarla yeni əmək müqaviləsi imzalanacaq. Bu zaman əsasən gənc mütəxəssislərə üstünlük veriləcək.

Məqalədə:
Xəbər lenti

Xəbər lenti