...

Bu il 2485 nəfər şəxsi peşə hazırlığı və əlavə təhsil kurslarına cəlb edilib (FOTO)

Cəmiyyət Materials 18 Avqust 2016 15:25 (UTC +04:00)
Əmək və Əhalinin Sosial Müdafiəsi Nazirliyi (ƏƏSMN) cari ildə 2485 nəfər şəxsi peşə hazırlığı və əlavə təhsil kurslarına cəlb edib.
Bu il  2485 nəfər şəxsi peşə hazırlığı və əlavə təhsil kurslarına cəlb edilib (FOTO)

Trend-i buradan izləyin

Bakı. Trend:

Əmək və Əhalinin Sosial Müdafiəsi Nazirliyi (ƏƏSMN) cari ildə 2485 nəfər şəxsi peşə hazırlığı və əlavə təhsil kurslarına cəlb edib.

Bu barədə Trend-ə  Nazirliyin İctimaiyyətlə əlaqələr şöbəsindən məlumat verilib.

Həmin insanlardan 287 nəfəri əlilliyi olan şəxslərdir.

Azərbaycan Respublikası Əmək və Əhalinin Sosial Müdafiəsi Nazirliyi tərəfindən işsiz və işaxtaran vətəndaşlar, həmçinin əlilliyi olan şəxslər üçün peşə hazırlığı və əlavə təhsil kurslarının təşkil olunması işləri davam etdirilir.

Cari ilin yanvar-iyul aylarında Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən 2291 nəfər vətəndaş, o cümlədən 93 nəfər əlilliyi olan şəxs peşə hazırlığı və əlavə təhsil kurslarına cəlb olunub. Bu dövrdə nazirliyin 1 saylı  Sağlamlıq İmkanları Məhdud Gənclərin Peşə Reabilitasiya Mərkəzinə peşə hazırlığına qəbul edilən gənclərin sayı isə 194 nəfər təşkil edib.

Beləliklə də, ümumilikdə 2485 nəfər şəxs qeyd edilən kurslara cəlb edilib ki, onlardan 287 nəfəri və ya 11,5 faizi əlilliyi olan insanlardan ibarət olub. Dərzi, kompüter istifadəçisi, kompüterçi-dizayner, elektrik montyoru, avtomobil təmiri üzrə çilingər, əməliyyatçı mühasib, kompüter texnikasının təmiri, elektrik qaynaqçısı, qənnadçı, tornaçı, xalçaçı, bərbər, mebel quraşdırıcısı və s. peşələr üzrə təşkil olunan kursları bitirənlərə sertifikatlar verilib.

Gənclərin düzgün peşə və ixtisas seçiminə istiqamətləndirilməsi üçün pedaqoji kadrların, idarə və müəssisələrin nümayəndələrinin, yuxarı sinif şagirdlərinin, habelə onların valideynlərinin iştirakı ilə peşəyönümü tədbirləri də davam etdirilib. Qeyd olunan dövrdə əksərən yuxarı sinif şagirdlərindən ibarət 63203 nəfər gəncə peşəyönümü məsləhətləri verilib.
 
 

Məqalədə:
Xəbər lenti

Xəbər lenti