...

Hərbi hissəsdə yanğın səbəbindən təxliyə olunan sakinlər evlərinə qaytarılıb

Cəmiyyət Materials 27 Avqust 2017 18:51 (UTC +04:00)
Azərbaycan müdafiə nazirliyinin N Saylı hərbi hissəsində yanğın və partlayış səbəbindən evakuasiya olunan kəndlərin sakinləri öz evlərinə qaytarılıb
Hərbi hissəsdə yanğın səbəbindən təxliyə olunan sakinlər evlərinə qaytarılıb

Bakı. Trend:

Azərbaycan Müdafiə Nazirliyinin N Saylı hərbi hissəsində yanğın və partlayış səbəbindən təxliyə olunan yaşayış məntəqələrinin sakinləri öz evlərinə qaytarılıb.

Trend-in məlumatına görə, Azərbaycan Respublikası Müdafiə, Fövqəladə Hallar nazirliklərinin və Baş Prokurorluğun birgə bəyanatında hadisə yerində yanğının lokallaşdırıldığı və daha böyük ərazidə partlayışın qarşısı alındığı bildirilir.

Qeyd edək ki, bu gün səhər saatlarında Azərbaycan müdafiə nazirliyinin n saylı hərbi hissəsində silah–sursat anbarında yanğın baş verib.

Azərbaycan Respublikasının Prezidenti İlham Əliyevin tapşırığına əsasən, hadisənin baş vermə səbəblərinin müəyyənləşdirilməsi və müvafiq təhlükəsizlik tədbirlərinin həyata keçirilməsi məqsədilə Müdafiə, Fövqəladə Hallar, Daxili İşlər, Səhiyyə nazirlikləri, Dövlət Sərhəd Xidməti, Baş Prokurorluq, yerli icra strukturları və digər dövlət orqanlarının nümayəndələrindən ibarət komissiya yaradılıb.

Xəbər lenti

Xəbər lenti