...

BNA: “Qarabağ” - “Çelsi” oyunu zamanı 30 mindən artıq sərnişin daşınıb

Cəmiyyət Materials 23 Noyabr 2017 13:34
UEFA Çempionlar Liqasının qrup mərhələsi çərçivəsində keçirilən “Qarabağ” - “Çelsi” futbol qarşılaşması günü Bakı Nəqliyyat Agentliyi (BNA) sərnişindaşıma ilə bağlı nəzərdə tutulan tədbirləri tam şəkildə yerinə yetirib.
BNA: “Qarabağ” - “Çelsi” oyunu zamanı 30 mindən artıq sərnişin daşınıb

Trend-i buradan izləyin

Bakı. Trend:

UEFA Çempionlar Liqasının qrup mərhələsi çərçivəsində keçirilən “Qarabağ” - “Çelsi” futbol qarşılaşması günü Bakı Nəqliyyat Agentliyi (BNA) sərnişindaşıma ilə bağlı nəzərdə tutulan tədbirləri tam şəkildə yerinə yetirib.

Bu barədə Trend-ə BNA-nın İctimai əlaqələr və maarifləndirmə şöbəsinin müdiri Mais Ağayev məlumat verib.

O bildirib ki, oyun günü Bakı Olimpiya Stadionundan müəyyən olunmuş istiqamətlərdə (metronun “Qara Qarayev”, “28 May” və “20 Yanvar” stansiyalarına) fəaliyyət göstərən ekspress xətt avtobusları ilə ümumilikdə 30 010 sərnişin daşınıb: "Prosesə 442 sərnişin avtobusu cəlb edilib. Bununla yanaşı, Oyun günü “Koroğlu” Nəqliyyat Mübadilə Mərkəzindən (saat 21:30-dan 00:00-dək müddətdə) 31 sayda marşrut xətti üzrə 10 000 nəfərdən çox sərnişinin daşınması təmin edilib".

O qeyd edib: "BNA sərnişindaşıma prosesinin həyata keçirilməsində göstərdikləri dəstəyə görə, Daxili İşlər Nazirliyinə, eləcə də müntəzəm sərnişdaşıma fəaliyyəti ilə məşğul olan hüquqi və fiziki şəxslərə təşəkkürünü bildirir. Eyni zamanda, göstərdikləri səbr və anlayış üçün azarkeşlərə minnətdarıq. UEFA Çempionlar Liqasında ölkəmizi uğurla təmsil edən “Qarabağ” futbol komandasına isə gələcəkdə parlaq qələbələr arzulayırıq".

Məqalədə:
Xəbər lenti

Xəbər lenti