Bakı. Trend:
Dünya miqyasında Beynəlxalq Alman Dili Olimpiadası keçirilir.
Almaniyanın Azərbaycandakı səfirliyindən Trend-ə verilən məlumata görə, Azərbaycan da dünyanın yüzdən çox ölkəsi arasında Almaniyanın ən yaxşı öyrənənlər olimpiadasında iştirak edəcək. İki qalib bu il Frayburqda iki həftəlik finalda Azərbaycanı təmsil edəcək.
Hazırda milli seçim turu keçirilir və ölkənin bir çox bölgələrindən olan şagirdlər iştirak edirlər. Aprelin 21-də, saat 15.00-da Azərbaycan final mərhələsinin mükafatlandırma mərasimi Alman Dili Tədrisi Mərkəzində keçiriləcək.
Mükafatlandırma Almaniyanın Azərbaycandakı səfiri Mixael Kindsqrab tərəfindən aparılacaq.