Bakı. İlhamə İsabalayeva - Trend:
Azərbaycan Milli Elmlər Akademiyasında (AMEA) bəzi kadr dəyişiklikləri aparılıb.
Trend-in məlumatına görə, bununla bağlı AMEA-nın Rəyasət Heyəti qərar verib.
Rəyasət Heyətinin bu gün keçirilən iclasında bildirilib ki, tarix üzrə fəlsəfə doktoru Sevil Ağaməliyeva Arxeologiya və Etnoqrafiya İnstitutunun, psixologiya üzrə fəlsəfə doktoru Südabə Hüseynova Qafqazşünaslıq İnstitutunun, filologiya üzrə fəlsəfə doktoru Mehman Həsənov Nizami Gəncəvi adına Ədəbiyyat İnstitutunun elmi katibi vəzifələrinə təyin olunublar.
Filologiya üzrə fəlsəfə doktoru Aygün Bağırova isə Nizami Gəncəvi adına Ədəbiyyat İnstitutunun elmi işlər üzrə direktor müavini vəzifəsinə təyin edilib.