Bakı. Hüseyn Vəliyev - Trend:
Yol hərəkəti qaydalarının pozuntusuna görə cərimələri və gömrük ödəmələrini “eManat” terminalları vasitəsilə həyata keçirmək mümkündür.
Bu barədə Trend-ə ödəmə terminallarının quraşdırılmış mərkəzi “Modenis” şirkətindən bildiriblər.
Məlumatda qeyd olunur ki, inteqrasiya işləri “AsanPay” sistemi üzərindən aparılıb:
“Bizi “AsanPay”lə əməkdaşlığı genişləndirmək niyyətindəyik. Bu, “eManat” terminalları vasitəsilə dövlət rüsumları üzrə ödəmə imkanlarını genişləndirəcək”.
Qeyd edək ki, “eManat” terminallarının sayı 2,2 min ədəddir. Bu şəbəkədə 160-dan ödəmə xidməti mövcuddur.