TREND İnformasiya Agentliyi BƏƏ-də beynəlxalq forumda Azərbaycanı təmsil edir (FОТО)

Şarca. Rufiz Hafizoğlu - Trend:

TREND İnformasiya Agentliyi Birləşmiş Ərəb Əmirliklərinin (BƏƏ) Şarca şəhərində keçirilən "International Goverment Communication Forum 2019" forumunda Azərbaycanı təmsil edir.

Trend-in xüsusi müxbirinin məlumatına görə, beynəlxalq forumda qərb və ərəb kütləvi informasiya vasitələrinin nümayəndələri iştirak edirlər.

Tədbirdə KİV-in ictimai rəyə təsiri daxil olmaqla, müxtəlif məsələlər müzakirə olunur.

Forum çərçivəsində dünya və ərəb KİV-lərinin müxtəlif stendləri də təqdim edilir.

Forum Birləşmiş Ərəb Əmirlilərinin “WAM” informasiya agentliyi tərəfindən təşkil olunub və martın 21-nə qədər davam edəcək.