Bakı. Trend:
Bakı ilə Mahaçqala arasında yüksəksürətli qatar işləyəcək.
Trend-in məlumatına görə, bu barədə Dağıstanın başçısı Vladimir Vasilyev “Valday” Beynəlxalq Diskussiya Klubunun Soçidə keçirilən XVI iclasında bildirib.
V.Vasilyev deyib ki, Dərbənddən keçəcək Mahaçqala-Bakı qatarının Sankt-Peterburq-Helsinki sürət qatarı kimi sadələşdirilmiş gömrük proseduru ilə sərhədi keçməsi məsələsi müzakirə olunur.
Qarşılıqlı turist axınının artırılmasına kömək edəcək bu məsələ Azərbaycan və Rusiyanın müvafiq nazirliklərinin Dərbənddə keçirilən görüşündə müzakirə olunub.