...

Metroda tanqo sürprizi: “İçərişəhər” stansiyasında master klass olacaq

Cəmiyyət Materials 7 Noyabr 2019 16:54 (UTC +04:00)
Bakı metropoliteninin stansiyalarında sosialyönümlü tədbirlərin keçirilməsi artıq ənənəvi hala çevrilib.
Metroda tanqo sürprizi: “İçərişəhər” stansiyasında master klass olacaq

Bakı. Trend:

Noyabrın 8-də saat 17:00-da III Bakı Tanqo Festivalı çərçivəsində “İçərişəhər” stansiyasında Bakı sakinləri üçün tanqo şousu təşkil olunacaq.

"Bakı Metropoliteni" QSC-dən Trend-ə verilən məlumata görə, bu şou noyabrın 29-dan dekabrın 1-dək Bakı şəhərində Argentinanın Azərbaycandakı səfirliyi ilə əməkdaşlıq və “United Cultures” təşkilatının dəstəyi ilə keçiriləcək III Bakı Tanqo Festivalı çərçivəsində təşkil olunacaq.

Şounun gedişində Azərbaycanın peşəkar tanqo ifaçıları tanqoyla yaxından maraqlanan sərnişin və tamaşaçılar üçün master klasslar da təşkil edəcəklər.

Tanqo həvəskarı olan şəhərimizin sakinləri və qonaqları “İçərişəhər” stansiyasına dəvətlidirlər.

Məqalədə:
Xəbər lenti

Xəbər lenti