...

"Atəşgah" Sığorta Qrupu müştəri - əməkdaş arasında məsafəni qoruyaraq iş prosesini yeni yanaşma ilə davam etdirir

Cəmiyyət Materials 1 Aprel 2020 12:40 (UTC +04:00)
1. www.ateshgah.com saytına daxil olaraq, saytda yerləşən “Şəxsi kabinet” bölümündə qeydiyyatdan keçməklə, sənədlərin fotoşəkillərini və ya skan olunmuş variantlarını online yükləməlidir. Yüklənmiş sənədlər müştəri xidmətləri şöbəsinin e-mail ünvanına daxil olaraq əməkdaşlar tərəfindən təhlil olunacaqdır.
"Atəşgah" Sığorta Qrupu müştəri - əməkdaş arasında məsafəni qoruyaraq 
iş prosesini yeni yanaşma ilə davam etdirir

Trend-i buradan izləyin

Bakı. Trend:

Ümumdünya Səhiyyə Təşkilatı tərəfindən koronavirus infeksiyasının qlobal pandemiya elan olunduğunu nəzərə alaraq və Azərbaycanda virusun qarşısının alınması istiqamətində Respublika Prezidentinin tövsiyə və tələblərindən irəli gələrək ölkə ərazisində bir sıra təxirəsalınmaz tədbirlərin həyata keçirilməsi zərurəti yaranıb.

Bütün bunları düşünərək,sosial məsuliyyət olaraq missiyası “Azərbaycanın mədəni irsinin qorunub saxlanılması,ölkəmizin firavan və ekoloji təmiz gələcəyi naminə çalışmaq” olan “Atəşgah” Sığorta Şirkəti, ölkəmizdə də bu xəstəliyə yoluxma hallarının qarşısının alınması və vətəndaşlar arasında məsafə saxlanılması məqsədi ilə müştərilərə xidmətində tam yeni yanaşma prosesi tətbiq edərək satış və tənzimləmə prosesini yenilənib.

“Atəşgah” Sığorta Şirkətindən mövcud olan sığorta növlərini əldə etmək istəyən vətəndaşlar, istər Şirkətin rəsmi internet səhifəsindən online (www.ateshgah.com), istər Şirkətin qaynar xəttinə zəng edərək (012-940) və istərsə də satış üçün aktiv edilmiş biznes Whatsapp nömrəsinə (+99455 254 80 10) müraciət edə bilərlər.

Bundan əlavə, “Atəşgah” SŞ öz müştərilərini və həmkarlarını düşünərək, işləri üzrə sənədləri təmassız və ya online şəkildə “Zərərlərin tənzimlənməsi” ofisinə təqdim etmə imkanını yaratmışdır. Belə ki, artıq Müştəri baş vermiş hadisə ilə bağlı, təqdim edəcəyi zəruri sənədləri aşağıda qeyd olunan yollarla Şirkətə çatdıra bilər:

Sənədləri kağız variantda təqdim etmək istəyən müştərilər üçün, “Zərərlərin tənzimlənməsi” ofisində müvafiq qutu yerləşdirilib. Qəza komissarı tərəfindən hər bir müştəriyə hadisə yerində, öncədən hazırlanmış zərf təqdim olunur (zərfə bildiriş forması və sığorta tələbi daxildir). Müştəri öz növbəsində təqdim etməli olduğu sənədləri zərfə yerləşdirməli və onu “Zərərlərin tənzimlənməsi” ofisində yerləşən müvafiq qutuya atmalıdır.

Sənədləri elektron variantda təqdim etmək istəyən müştərilər üçün isə 3 vasitə təklif olunur:

1. www.ateshgah.com saytına daxil olaraq, saytda yerləşən “Şəxsi kabinet” bölümündə qeydiyyatdan keçməklə, sənədlərin fotoşəkillərini və ya skan olunmuş variantlarını online yükləməlidir. Yüklənmiş sənədlər müştəri xidmətləri şöbəsinin e-mail ünvanına daxil olaraq əməkdaşlar tərəfindən təhlil olunacaqdır.

2. Sənədlərin fotoşəkillərini çəkməli və Şirkətin korporativ Whatsapp nömrəsinə göndərməlidir. Whatsapp: (+994) 55 209 04 43;

3. Sənədlərin fotoşəkillərini və ya skan olunmuş variantlarını sadəcə [email protected] ünvanına göndərməlidir.

Qeyd etmək lazımdır ki, “Zərərlərin tənzimlənməsi” ofisinin Müştəri Xidmətləri Şöbəsi həftə içi 09:00-dan 17:30-dək aşağıdakı nömrələr ilə müştərilərin xidmətindədir:

Zərərlərin qiymətləndirilməsi ilə bağlı: - (+994) 55 209 08 85

Sənədlərin qəbulu ilə bağlı: - (+994) 55 209 04 43; - (+994) 55 209 04 45; - (+994) 55 209 04 46

Baş ofis: (012) 940

Bundan əlavə, müştərilərinin sağlamlığını və təhlükəsizliyini düşünərək “Atəşgah” Sığorta Şirkəti, “Sphera Healthcare AZ” Şirkəti ilə yeni aksiya təşkil etmiş və bu aksiya çərçivəsində müştərilər övladlarının sağlamlığı barədə həkim-pediatrlardan, öz sağlamlıqları barədə isə həkim-terapevtlərdən və psixoloqdan evdən çıxmadan ödənişsiz telefon məsləhəti almaq imkanı əldə edəcəklər. Həkim məsləhətlərindən sonra təyin olunan dərman preparatlarının ünvana çatdırılması pulsuzdur.

Yüksək etibarlılıq imicinə malik olan “Atəşgah” Sığorta Şirkəti 1996-cı ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.

Məqalədə:
Xəbər lenti

Xəbər lenti