Bakı. İlhamə İsabalayeva - Trend:
Sabah ümumtəhsil müəssisələrinin şagirdləri üçün "Son zəng" virtual olaraq, qeyd ediləcək.
Trend-in məlumatına görə, virtual "Son zəng"də əvvəlcə Azərbaycanın dövlət himni səsləndiriləcək. Daha sonra son 3 ay ərzində teledərsləri keçən müəllimlər "Azərbaycanım" mahnısını ifa edəcəklər.
Virtual "Son zəng"i iyunun 12-də saat 12.30-da "Mədəniyyət və "ARB24", "Real TV" kanallarında, eləcə də Təhsil Nazirliyinin sosial şəbəkədəki səhifəsində, 12.25-də İctimai TV-də izləmək mümkün olacaq.
Qeyd edək ki, COVİD-19 pandemiyası ilə əlaqədar bu il martın 3-dən ölkənin bütün təhsil müəssisələrində təlim-tədris prosesi dayandırılıb.