Bakı. İlhamə İsabalayeva - Trend:
Suvarma probleminin həll edilməsi üçün kiçik sututarların yaradılması qarşıya qoyulan məqsədlərdəndir.
Meliorasiya və Su Təsərrüfatı Açıq Səhmdar Cəmiyyətindən Trend-ə verilən məlumata görə, su anbarlarından fərqli olaraq, kiçik sututarlar daha qısa zaman ərzində və daha az maliyyə vəsaiti ilə yaradılır:
"Suyun bol olduğu dövrdə həmin sututarlara su toplanılır və su qıtlığı yaranan zaman həmin mənbələrdən istifadə edilir: “Ölkə üzrə 135 sututar və su anbarı var. İndiyədək bir çox sututarlar tikilib. Onların bəziləri əsaslı təmir edilib. Məsələn, Masallıda 37, Şamaxıda 8 sututarı təmir edilir. Sututarları sayı nə qədər çox olarsa, bizim su ehtiyatımız və balansımız bir o qədər çox olar”.