...

AzTV DSX-nin helikopterinin qəzaya uğraması ilə əlaqədar olaraq efir proqramında dəyişiklik edib

Cəmiyyət Materials 1 Dekabr 2021 17:52 (UTC +04:00)
AzTV DSX-nin helikopterinin qəzaya uğraması ilə əlaqədar olaraq efir proqramında dəyişiklik edib

Bakı. Trend:

Azərbaycan Televiziyası Dövlət Sərhəd Xidmətinin hərbi helikopterinin qəzaya uğraması ilə əlaqədar olaraq efir proqramında dəyişiklik edib.

AzTV-nin Sosial media və ictimaiyyətlə əlaqələr şöbəsinin məlumatına görə, hadisə ilə bağlı məlumatın çıxdığı andan etibarən kanalın səlahiyyətli şəxsləri əyləncəli və musiqili verilişlərin dayandırılması, efir proqramının sözügedən faciəvi hadisəyə uyğunlaşdırılması ilə bağlı qərar qəbul edib.

Bundan başqa, ictimaiyyətin ətraflı məlumatlandırılması üçün hadisə yerinə qrup göndərilib, helikopterin qəzaya uğradığı yerdən ilk görüntülər “AzTV Xəbər”də və “Çıxışa doğru” verilişində canlı yayımlanıb.

Digər verilişlərdə helikopter qəzası ətrafında müzakirələr aparılıb. “Əsas məsələ”, “Gec də olsa” verilişlərinə mütəxəssis və ekspertlər dəvət olunub, onların “Qaraheybət” aviasiya poliqonunda baş vermiş qəza ilə bağlı fikirləri dinlənilib, bəzi məqamlara aydınlıq gətirilib, suallara cavab tapılmasına çalışılıb.

AzTV həlak olan hərbçilərlə “Sərhədçi” İdman Olimpiya Kompleksində vida mərasimini birbaşa bağlantılar vasitəsilə yayımlayıb, “AzTV Xəbər”in mərasimə həsr olunmuş xüsusi buraxılışı yayımlanıb. Bundan başqa, İkinci Fəxri xiyabanda hərbçilərin dəfn mərasimindən birbaşa bağlantılar verilib.

Yaralı hərbçilər və onların ailələri də diqqətdənkənar qalmayıblar. DSX-nin hospitalında müalicə alan polkovnik-leytenant Cəfərov Emil Məmməd oğlu və kapitan Ədilov Ramin Ramiz oğlu TV-nin canlı yayımına qoşulub, onlar səhhətləri bağlı məlumat veriblər. Hərbçilərin ailələri də “AzTV Xəbər”ə müsahibə veriblər.

Azərbaycan Televiziyası ölkə əhəmiyyətli hadisələr, xalq və dövlət üçün həssas məqamlarda dərhal reaksiya verir, verilişlərin mövzularında dəyişiklik edir, ictimaiyyətin məlumatlandırılması üçün səfərbər olur. Bundan sonra da bu siyasətin davam etdirilməsinə çalışacağıq.

Helikopter qəzası ilə bağlı bütün materiallarla linklərdə tanış ola bilərsiniz:

https://www.youtube.com/watch?v=fOrI8JPSa48

https://www.youtube.com/watch?v=Pk-BjEsgznc

https://www.youtube.com/watch?v=3K1HItriI3Q

https://www.youtube.com/watch?v=6TyBzaCXNV4

https://www.youtube.com/watch?v=fmxp05ISKys

https://www.youtube.com/watch?v=jnRMDxMd-PM

https://www.youtube.com/watch?v=HOVL_ZPqeOs

https://www.youtube.com/watch?v=bAaqb7Wybs8

https://www.youtube.com/watch?v=RORcYsbtiPM

https://www.youtube.com/watch?v=sPjnk9m_p5I

https://www.youtube.com/watch?v=uA2U8iWLctE

https://youtu.be/-NzZqiMQTgA

https://www.youtube.com/watch?v=Jm7yrFc9uYU

Məqalədə:
Xəbər lenti

Xəbər lenti