...

İdmançılar əzələ kütləsini artıran maddələri qəbul edərkən diqqətli olsunlar - Kardioloq

Cəmiyyət Materials 6 May 2022 14:48 (UTC +04:00)
İdmançılar əzələ kütləsini artıran maddələri qəbul edərkən diqqətli olsunlar - Kardioloq
Fərid Zöhrabov
Fərid Zöhrabov
Bütün xəbərlər

Bakı. Trend:

Son dövrlər idmançılar arasında ürəktutmasından vəfat edənlər çoxalıb.

Məsələ ilə bağlı Trend-ə açıqlama verən Kardiologiya Cəmiyyətinin sədri Üzeyir Rəhimov bildirib ki, ürəktutmadan vəfat edən idmançıların bir hissəsi məşqlər zamanı dünyada istifadəsi qadağan olunmuş vasitələrdən istifadə edir.

Onun sözlərinə görə, bəzi idmançılar dopinq, steroid və. s kimi hormon dərmanlarından istifadə edirlər:

"Bu da həmin isanlarda infarkt, tromblaşma, qaraciyər çatışmazlığı, beyin qanamasına səbəb olur. İdmançılara zülallardan və amin turşularından istifadə etmək tövsiyə olunur. Bunların xaricində əzələ kütləsini artıran "anabolic steroid" adlı maddələrdən istifadə etmək olmaz. Bunlar təkcə bədənimizdəki əzələləri artırmır, eyni zamanda ürək əzələlərini də qalınlaşdırır ki, bu da ürəkdə aritmiyalara və ürək xəstəliklərinə səbəb olur. Buna görə də idmançılara tövsiyəmiz odur ki, qadağan olunmuş qidalardan istifadə etməsinlər",- deyə Ü. Rəhimov bildirib.

Məqalədə:
Xəbər lenti

Xəbər lenti