Bakı. Trend:
Yaz sessiyasında Təhsil Tələbə Krediti almaq üçün müraciət edən tələbələrin statistikası açıqlanıb.
Təhsil Tələbə Krediti Fondundan Trend-ə verilən məlumata görə, yaz sessiyasında ümumilikdə 4478 tələbə müraciət edib.
Onlardan 658-i natamam, 525-i emalda olan müraciətdir. 279 müraciətə imtina verilib, 504 müraciət isə banka göndərilib.
Yaz sessiyasında ümumilikdə 2512 təhsil tələbə krediti verilib. Onlardan 882-si sosial, 1630-u isə standart təhsil krediti olub.