Bakı. Trend:
Azərbaycanda məşğulluq xəritəsi yaradılıb.
Trend-in məlumatına görə, bunu çərşənbə axşamı agentliyin İdarə heyətinin sədri Mustafa Abbasbəyli "Baku CEO Summit" beynəlxalq tədbirində deyib.
Onun sözlərinə görə, bu xəritə regional, demoqrafik və digər məlumatları əks etdirir.
"Xəritə gələcəkdə əhalinin sayının artımı, iş yerlərinin sayı, qadın və kişilər arasında məşğulluq, məktəbli və tələbələrin sayı kimi amilləri izləyəcək. Bu da öz növbəsində ölkənin bu və ya digər rayonunda məktəblərin, ali tədris müəssisələrinin, yeni iş yerlərinin yaradılmasının zəruriliyinin olub-olmamasını müəyyənləşdirməyə kömək edəcək", - deyə o bildirib.