Bakı. Trend:
Sentyabrın 22-də, saat 11:00-da İqtisadiyyat Nazirliyi yanında Əmlak Məsələləri Dövlət Xidməti yerin təkindən istifadə ilə bağlı növbəti dəfə hərrac keçirəcək.
Bu barədə Trend-ə Dövlət Xidmətindən bildirilib.
Məlumata görə, hərracda Yevlax rayonundakı "Qaraoğlan" qum yatağı 1 Lot üzrə satışa çıxarılacaq.
Başlanğıc qiyməti 42 560 manat olan yatağa sahib olmaq üçün iddiaçılar lazımi sənədləri 14 noyabr saat 18:00-a qədər Bakı şəhəri, Ziya Bünyadov prospekti, 38C, 1969-cu məhəllə (Bakı KOB evi) ünvanına təqdim etməlidirlər.
Hərracla bağlı məlumat almaq, iştirak haqqı və 10 % beh ödəmək istəyənlər Dövlət Mineral Xammal Ehtiyatlarından İstifadə Agentliyinə müraciət edə bilərlər. (Bakı şəhəri, Səbail rayonu, İstiqlaliyyat küçəsi, 31 A) tel: (012) 505 97 82;83;84 (dax:108).