Bakı. Trend:
Uzun illərdən sonra həsrətini çəkdiyim Laçını, elimizi, yurdumuzu görmək ilk arzumdur.
Bunu Trend-ə açıqlamasında Laçın sakini Sevda Abbasova deyib.
Onun sözlərinə görə, Laçına qayıtmaq sevinci ilə bir neçə gündür ağlayıb:
"Artıq söz vermişəm ki, ağlamayacağam. Bu günümüzə çox şükür. Öz elimizə, obamıza gedirik. Bu sevinci bizə yaşadanlara öz təşəkkürümüzü bildiririk".
Qeyd edək ki, 30 oktyabrda 20 ailənin (70 nəfər) Laçına köçürülməsi ilə Laçın şəhərində 315 ailənin (1205 nəfər) daimi məskunlaşması təmin edilib.