Bakı. Trend:
Naxçıvan Şəhər İcra Hakimiyyətində qərargah yaradılıb.
Bu barədə Trend-ə Naxçıvan Şəhər İcra Hakimiyyətindən məlumat verilib.
Bildirilib ki, 2023-2024-cü ilin payız-qış mövsümü ilə əlaqədar baş verə biləcək qəzaların operativ qaydada aradan qaldırılması məqsədilə 2023-ci ilin noyabr ayının 15-dən mövsümün sonuna qədər saat 18:00-dan 00:00-dək Naxçıvan Şəhər İcra Hakimiyyətində qərargah fəaliyyət göstərəcək.
Naxçıvan şəhər sakinlərindən xahiş olunub ki, baş vermiş qəzaların dərhal aradan qaldırılması üçün Naxçıvan Şəhər İcra Hakimiyyətində yaradılmış qərargaha məlumat versinlər.