Bakı. Trend:
18 yaşında ilk dəfə doğma yurdum, Laçını görməyin sevincini yaşayıram.
Bunu Trend-ə açıqlamasında Laçın sakini Zahid Əliyev deyib.
Onun sözlərinə görə, böyük həyəcan yaşayır, ilk dəfə Laçını görəcək və Laçın haqda yaxından təsəvvür yaranacaq.
"İndiyədək 18 illik həyatımda həmişə Laçın arzusu, sevgisi ilə
yaşamışam. Həmişə onun xəyalını qurmuşam. Artıq uzun illərdən sonra
əsas arzularımızdan biri reallaşıb. Doğrudan da həyatımda ən yadda
qalan günlərdən biri bu gün olacaq.
Bu qələbə, bu zəfər, bu səfərin hamısını Ali Baş Komandanımıza,
ordumuza borcluyuq. Allah şəhidlərimizə rəhmət eləsin, qazilərimizə
can-sağlığı versin. Allah ordumuzu, əsgərlərimizi qorusun", - deyə
o qeyd edib.
Xatırladaq ki, indiyədək Laçın şəhərinə 451 ailə, yəni 1705 nəfər, Zabux kəndinə 211 ailə, yəni 808 nəfərin daimi məskunlaşması təmin edilib.