Bakı. Trend:
Şuşaya qayıdıb yaşamaq əhdimizə çatdığımız üçün sevinirik.
Bunu Trend-ə açıqlamasında Şuşa sakini Quliyev Mobil deyib.
Onun sözlərinə görə, uzun illər bu günün gəlib çatmasını səbirsizliklə gözləyib.
"Hər günü Şuşa həsrəti ilə yaşamışıq. Bizə bu günləri yaşadanlara təşəkkürümüzü bildiririk. Allah Prezidentimizi qorusun, qazilərimizə cansağlığı versin, şəhidlərimizə rəhmət eləsin", - deyə o bildirib.
Qeyd edək ki, bu gün Şuşa şəhərinə 32 ailə - 125 nəfər köçürülüb. Beləliklə indiyədək Şuşa şəhərinə 90 ailənin, yəni 349 nəfərin daimi məskunlaşması təmin edilib.