"Mepkupi-2"bərəsinin qəzaya uğradığı yerdə müntəzəm olaraq monitorinq keçirilir. Bu barədə Trend ə AR ekologiya və təbii sərvətlər Nazirliyi yanında Xəzərin kompleks ekoloji monitorinq İdarəsinin rəisi Lətifə Hüseynova bildirib.
Onun sözlərinə görə, qəza yerində aparılmış araşdırmalar nəticəsində gəmidə yerləşən konteynerlərdən neft axması müşahidə edilmir. "Götürülmüş fiziki, kimyəvi və bioloji sınaqlar bu ərazidə hər-hansı fon dəyişikliklərinin baş verdiyini göstərmir.Burada sonuncu ekspedisiya sentyabrda keçirilib"-deyə L.Hüseynova bildirib.
Cari ildə ümumiyyətlə Xəzər dənizində 13 ekspedisiya aparılıb. "Hazırda Azərbaycan ekspertləri Rusiya və Qazaxıstan akvatoriyasında keçirilən monitorinqdə iştirak edir. Analojimonitorinqlər Azərbaycan, İran və Türkmənistan akvatoriyalarında keçirilib. Monitorinqlər Dünya bankı, BMT və Ekologiya Fondunun maliyyələşdirməsi hesabına həyata keçirilir.Monitorinqlərin yekunlarına əsasən, Xəzərin çirklənməsi səviyyəsi üzrə tam məlumat alınacaq" -deyə o bildirib.