2006-cı ildə Azərbaycanın Təhsil Nazirliyi Dünya Bankı (DB) ilə birgə yeni layihənin reallaşdırılmasına başlayacaq. Trend in məlumatına görə, bu barədə jurnalistlərə Azərbaycanın təhsil naziri Misir Mərdanov məlumat verib.
Onun sözlərinə görə, layihənin həyata keçirilməsi üçün DB $ 6 mln vəsait ayırıb. Layihə çərçivəsində ölkənin 3 pilot rayonundakı bir sıra ümumtəhsil məktəblərində əsaslı təmir olunacaq. Bu, İsmayıllı, Ucar və Qəbələ rayonlarıdır. Layihə bu məktəblərin tam kompyuterləşməsini nəzərdə tutur.
Nazir həmçinin, bildirib ki, yaxın vaxtlarda Nazirlik xarici ölkələrin ali məktəblərinin diplomlarının tanınması (nostrifikasiya) prosesini də həyata keçirəcək. Nazirin sözlərinə görə, Azərbaycanın Təhsil Navzirliyinin hansı ölkənin diplomlarını tanıyıb-tanımamasını konkretləşdirmək zəruridir.