Azərbaycanın Təhsil nazirliyi "Erkən yaş dövründə uşaqların inkişafı" layihəsinin reallaşdırılması sahəsində əməkdaşlıq haqqında memorandumun layihəsini Asiya İnkişaf Bankına təqdim edib. Trend ə bu barədə nazirlikdən məlumat verilib.
Artıq layihənin texniki əsaslandırılması planı hazırdır. Layihənin 2006-cı ilin martından etibarən, onu maliyyələşdirməyə razılıq vermiş bankla kredit sazişi imzalandıqdan sonra həyata keçirilməsi planlaşdırılır. AİB ekspertləri Azərbaycan tərəfə layihəyə 10 pilot rayonundan başqa daha iki rayon - Abşeron və İsmayıllı rayonlarını da daxil etməyi təklif edir.