...

Angelina Qryun: "AzərReyl" haqlı olaraq pley-off mərhələsinə düşüb"

Cəmiyyət Materials 15 Fevral 2006 16:34 (UTC +04:00)

"Biz dörddə bir finala düşmək niyyətindəyik, lakin bunun üçün "AzərReyl" üzərində qələbə qazanmaq lazımdır". Bu barədə "Foppapedretti" voleybol klubunun lideri Angelina Qryun Çempionlar liqasının fevralın 15-də Berqamoda keçiriləcək birinci dörddə bir final matçı ərəfəsində bəyan edib.

Trend in klubun rəsmi saytına istinadən xəbər verdiyi kimi, Almaniya yığmasının kapitanı qeyd edib ki, klub Faiq Qarayevin yetirmələri üzərində qələbə qazanmaq üçün çoxlü qüvvə sərf etməli olacaq. ""AzərReyl" öz oyunu ilə sübut etdi ki, pleyy-off mərhələsinə haqlı olaraq düşüb, qrup mərhələsində azərbaycanlı voleybolçuların Perucanın "Pallavolo Sirio" yığması üzərində qələbəsi isə bizi daha da səfərbər etməlidir", - deyə o vurğulayıb.

A.Qryunun sözlərinə görə, "Foppapedretti" Bakıda keçiriləcək cavab qarşılaşmasında özünü rahat hiss etmək üçün doğma divarlar arasında bacardığı qədər özünə əminliklə oynamalıdır.

Xəbər lenti

Xəbər lenti