Yetkinlik yaşına çatmayan məhkumların cəzaçəkmə müəssisəsində orta ixtisas təhsilinə hazırlıq mərhələsi başlanıb. Bu barədə Trend ə Ədliyyə Nazirliyi Məhkəmə Qərarlarının İcrası Baş İdarəsinin rəisi Musa Hümbətov məlumat verib.
M.Hümbətovun sözlərinə görə, məhkumların təhsil alması ilə bağlı proqramı Tələbə Qəbulu üzrə Dövlət Komissiyası həyata keçirir. Təhsilə hazırlıq mərhələsində 70 məhkumdan hələlik 11 nəfəri hazırlığa cəlb olunub. Beş fənn üzrə dərslər Bakı Dövlət Universitetinin müəllimləri tərəfindən keçilir. Hər fənn üzrə dərs isə həftədə iki saat tədris olunur.
Yetkinlik yaşına çatmayan məhkumların gələcəkdə ali təhsil almaq imkanı da olacaq. Bunun üçün xüsusi proqram hazırlanacaq.