Moldova futbol yığması mayın 18-də Kişinyovda Azərbaycanla oyun ərəfəsində itkiyə məruz qalıb.
Trend in Moldova KİV-nə istinadən xəbər verdiyi kimi, meydan sahibləri yarımmüdafiəçi Sergey Kovalçukun xidmətlərindən yararlana bilməyəcək. Bu, futbolçunun oynadığı Moskvanın "Spartak" klubunun mayın 20-də keçiriləcək Rusiya Kubokunun finalına çıxmasından sonra məlum olub. Oyunda klublarının icazə verməməsi ilə əlaqədar daha bir neçə oyunçunun da iştirak etməyəcəyi istisna olunmur.
Bundan başqa, rəqib komandanın tərkibindən danışdıqda "Sibir"in oyunçuları Sergey Kleşenko və İon Testimitsanunun uzun fasilədən sonra yığmaya çağırılması da diqqəti cəlb edir.
Moldova yığmasının tərkibi:
Qapıçılar: Yevgeni Xmaruk ("Tiliqul-Tiras"), Sergey Paşenko ("Şerif").
Müdafiəçilər: İon Testimitsanu ("Sibir"), Valeri Katınsus ("Tom"), Radu Rebeja ("Moskva"), Gennadi Oleksiç ("Amkar"), Aleksandr Kovalenko ("Dinamo" Moskva), Sergey Laşenkov ("İliçevets", Mariupol).
Yarımmüdafiəçilər: Vadim Borets ("Neftçi" Bakı), Aleksandr Qatskan ("Rubin"), Stanislav İvanov ("Moskva"), Viktor Berko ("Alma-Ata"), Sergey Yepuryanu ("Vorskla"), Sergey Kovalçuk ("Spartak" Moskva).
Hücumçular: Sergey Kleşenko ("Sibir"), Yuri Miterev ("Çernomorets" Odessa), Sergey Roqaçev ("Aktobe"), Sergey Dadu (komandasız).
.jpg)
