Azərbaycanın Tələbə Qəbulu üzrə Dövlət Komissiyası (TQDK) 2006-2007-ci tədris ili üçün ölkənin ali təhsil müəssisələrində magistraturaya qəbul ola bilməyən bakalavrların şikayətlərinə baxmağa başlayıb.
Bu barədə Trend ə TQDK-dan məlumat verilib.
Şikayətlərə sentyabrın 1-dən 5-dək baxılacaq.
Xatırladaq ki, Azərbaycan ali təhsil müəssisələrində magistraturaya qəbul imtahanları iyulun 23-də keçirilmişdi.
Bu il plan üzrə magistraturaya 4360 yer ayrılmışdı ki, bura da 10795 bakalavr ərizə vermişdi. Onlardan yalnız 2701-i qəbul olunub.