Sentyabrın 8-də Azərbaycanda texnikumlara qəbul imtahanları olacaq. Bu barədə Trend ə Azərbaycanın Tələbə Qəbulu üzrə Dövlət Komissiyasından (TQDK) bildirilib.
İmtahanlar Bakı, Sumqayıt, Gəncə, Naxçıvan, Lənkəran, Mingəçevir, Şəki və Göyçay texnikumları üçün keçiriləcək. 2006-2007-ci tədris ili üçün texnikumlarda 8014 plan yeri ayrılıb, sənəd verən abituriyentlərin sayı isə 10353 nəfərdir.
Abituriyentlər Azərbaycan dili və ədəbiyyatı, tarix və cəbrdən imtahan verməlidirlər.
İmtahanların nəticələri bir həftədən sonra "Abituriyent" jurnalında dərc olunacaq.