"ABŞ Dövlət Departamenti ANS teleradio şirkətinin bağlanmasından, "Azadlıq" qəzeti və "Turan" informasiya agentliyinin redaksiyalarının yerləşdiyi binadan çıxarılmasından narahatdır". Bu barədə Trend Dövlət Departamentinin məlumatına istinadən xəbər verir.
"ABŞ Azərbaycanda mətbuat azadlığı və insan hüquqlarının vəziyyətini diqqətlə izləyir. Biz Azərbaycan hökumətini hər üç KİV-in qanun çərçivəsində tənzimlənməsi və lisenziyalarının uzadılması üzrə danışıqların hələ getdiyi vaxtda onlara fəaliyyətlərini davam etdirmək imkanı verərək, demokratiya və mətbuat azadlığı ilə bağlı öhdəliklərə hörmət etməyə çağırırıq.
