Azərbaycanın İstanbuldakı baş konsulu Səyyad Salahlı Manis şəhəri (Türkiyə) rəhbərliyi ilə vətənə qayıda bilməyən Azərbaycan vətəndaşlarının problemini müzakirə edib. Bu barədə eksklüziv olaraq Trend ə konsulun özü məlumat veri.
O bildirib ki, ərə gedərək Türkiyəyə gəlmiş 15 Azərbaycan vətəndaşı viza və pasportlarının müddəti bitdiyi üçün öz uşaqlarına doğum haqqında şəhadətnamə ala bilmirlər. Bu uşaqlar artıq 6-8 yaşlarındadır, onlar nə Azərbaycanda, nə də Türkiyədə vətəndaşlıq ala bilməyiblər, əsasən Manisin kəndlərində yaşayırlar, həyat yoldaşları da türkdür.
O həmçinin əlavə edib ki, nə Türkiyə, nə də Azərbaycan qanunları onların problemini qısa müddət ərzində həll etməyə imkan vermir. Bu qadınlar Azərbaycana da qayıda bilmirlər, çünki bundan sonra onlar 5 il gözləməlidirlər ki, yenidən Türkiyəyə gələ bilsinlər. S.Salahlı bildirib ki, yaxın zamanlarda bu məsələni Azərbaycanın Ədliyyə Nazirliyi ilə müzakirə edəcək.