Azərbaycan, Bakı / Trend müxbir K.Zərbalıyeva/ Azərbaycan Ədliyyə Nazirliyi Birləşmiş Ərəb Əmirliklərində həbs olunmuş 3 nəfər Azərbaycan vətəndaşının ekstradisiyası ilə bağlı həmin ölkənin müvafiq qurumuna müraciət edib. Ədliyyə Nazirliyinin Beynəlxalq Əməkdaşlıq İdarəsinin rəisi Zavər Qafarov Trend ə bildirib ki, həmin şəxslər insan alveri və dələduzluq cinayətlərinə görə Azərbaycanın hüquq-mühafizə orqanları tərəfindən beynəlxalq axtarışdadırlar.
Həmçinin Türkiyədə 1, Almaniyada 2, Böyük Britaniyada isə 3 nəfər Azərbaycan vətəndaşının yeri müəyyən olunub və onların ekstradisiyası ilə bağlı sorğular verilib.
Onların ekstradisiyası ilə bağlı müvafiq tədbirlər görülür və yaxın gələcəkdə bu proses həyata keçiriləcək.