Azərbaycan, Bakı, 11 iyun /müx.TrendLife Eldar Hüseynzadə/Azərbaycan estrada müğənnisi Eyyub Yaqubov hazırda yeni mahnı üzərində çalışır. Mahnının sözləri yenə də Mikayıl Müşfiqə aiddir. Görün trendLife-a müğənni nələr söylədi: "Bildiyiniz kimi, bu yaxınlarda mən Mikayıl Müşfiqin sözlərinə yazılmış "Yenə o bağ olaydı" mahnı ifa etmişdim. Kompazisiya bütünlüklə uğurlu alınıb. Məhz buna görə də bəstəkar Elçin İmanovla belə qərara gəldik ki, Mikayıl Müşfiqin sözlərinə daha bir mahnı hazırlayaq. Bu mahnı "Həyat sevgisi" adlanır.