Azərbaycan, Gəncə / Trend müxbir V.Məmmədov/ Gəncədə pərakəndə ət satışının qarşısını almaq üçün bütün gigiyenik standartlara cavab verən iki satış mərkəzi tikilir. Bu barədə cümə axşamı Gəncə şəhər Baytarlıq İdarəsinin rəisi Hüseyn Abbasov məlumat verib. Onun sözlərinə görə, gələn ay yaradılması nəzərdə tutulan mərkəzdə heyvanların kəsilməsi üçün lazımi avadanlıq və şərait olacaq. Bununla yanaşı mərkəzdə laborant-həkim də xidmət göstərəcək.
Belə mərkəzlərin Gəncə ilə yanaşı qərb bölgəsinin bir neçə rayonunda yaradılması da nəzərdə tutulur. Artıq İqtisadi İnkişaf Nazirliyi məsələ ilə bağlı müsbət rəy verib.
Gəncə paytaxt Bakıdan 365 kilometr qərbdə yerləşir.
