Azərbaycan, Bakı, 11 fevral /Trend/
Bu gün Xorvatiyanın Zaqreb şəhərində futzal üzrə dünya çempionatının final mərhələsinə vəsiqə uğrunda play-off oyunlarının püşkatma mərasimi keçirilib.
Trend-in şənbə günü AFFA-nın rəsmi saytına istinadən yaydığı məlumata görə, püşkün nəticəsinə əsasən, Azərbaycan milli komandası play-off-da Rusiya yığması ilə qarşılaşacaq.
Bu mərhələnin ilk oyunları 25-28 mart, cavab qarşılaşmaları isə 8-11 aprel tarixlərində olacaq. Millimiz ilk oyunu Bakıda keçirəcək.
Futzal üzrə dünya çempionatının final mərhələsi noyabrın 2-dən 18-dək Tailandda təşkil olunacaq.