Azərbaycan, Bakı, 16 fevral /Trend, müxbir M.Əliyev/
Unibank Premyer Liqasının XX turunun "Kəpəz" - "İnter" oyununun keçirilmə yeri dəyişdirilib.
Trend-in PFL-in saytına istinadən yaydığı məlumata görə, Gəncə şəhər stadionunun ot örtüyünün pis vəziyyətdə olması ilə əlaqədar olaraq "Kəpəz" - "İnter" qarşılaşması Yevlax şəhər stadionunun əsas meydançasında keçiriləcək.
Qeyd edək ki, oyunun başlama saatı da dəyişdirilib. Əvvəlcə saat 14.00-da nəzərdə tutulan görüş saat 14.30-da başlanacaq.