Azərbaycan, Bakı, 10 sentyabr /Trend/
21-23 sentyabr 2012-ci il tarixdə Bakıda ümummilli lider Heydər Əliyevin xatirəsinə həsr olunmuş güləş üzrə "Qızıl Qran Pri" beynəlxalq turnirinin final mərhələsi keçiriləcək.
Azərbaycan Güləş Federasiyasının mətbuat xidmətindən Trend-ə verilən məlumata görə, Heydər Əliyev adına İdman Konsert Kompleksində keçiriləcək turnirin proqramına əsasən, sentyabrın 20-də görüşləri idarə edəcək hakimlərin seminarı və texniki iclas keçiriləcək.
İlk gün sərbəst, ikinci gün qadın, üçüncü gün isə yunan-Roma güləşçiləri xalça üzərinə çıxacaq. Yarışlar hər gün saat 10:00-da, final görüşləri saat 17:00-da başlayacaq. Turnirin rəsmi açılış mərasimi sentyabrın 21-də saat 17:00-da baş tutacaq.