Azərbaycan, Bakı, 10 sentyabr /Trend/
DÇ-2014-ün seçmə mərhələsi çərçivəsində sentyabrın 11-də Belfast şəhərində Şimali İrlandiya - Lüksemburq oyunu keçiriləcək.
Trend-in AFFA-nın rəsmi saytına istinadən verdiyi məlumata görə, Azərbaycan milli komandasının baş məşqçisinin köməkçisi Olaf Yansen qeyd olunmuş qarşılaşmanı izləyəcək.
Şimali İrlandiya və Lüksemburq yığmaları DÇ-2014-ün seçmə mərhələsində millimizlə birgə F qrupunda mübarizə aparır. Qrupun digər komandaları Portuqaliya, Rusiya və İsrail yığmalarıdır.