...

Azad Rəhimov: Güləş Olimpiya proqramından çıxarıla bilməz

İdman Materials 10 İyul 2013 14:03 (UTC +04:00)
Olimpiya Oyunlarının təməlinin qoyulduğu 5 ilk idman növündən biri olan güləş Olimpiya proqramından çıxarıla bilməz.
Azad Rəhimov: Güləş Olimpiya proqramından çıxarıla bilməz

Trend-i buradan izləyin

Azərbaycan, Bakı, 10 iyul /Trend, müxbir İ.İzzət/

Olimpiya Oyunlarının təməlinin qoyulduğu 5 ilk idman növündən biri olan güləş Olimpiya proqramından çıxarıla bilməz. Trend xəbər verir ki, bunu jurnalistlərə açıqlamasında İranın idman və gənclər naziri Məhəmməd Abbasinin Azərbaycan və İranın güləşin bir idman növü kimi Olimpiya Oyunlarından çıxarılmaması üçün öz güclərini birgə səfərbər etmələrinə dair təkilifinə münasibət bildirərkən gənclər və idman naziri Azad Rəhimov deyib.

Onun sözlərinə görə, bu məsələ ilə bağlı Azərbaycana bir neçə ölkə müraciət edib:

"Güləşin idman növü kimi Olimpiya Oyunlarından çıxarılmaması üçün həm İran, həm Rusiya, həm də ABŞ tərəfindən həm nazirliklər, həm federasiyalar, həm də Olimpiya komitələri səviyyəsində bizə çoxlu məktublar daxil olub. Azərbaycan tam şəkildə güləşin Olimpiya idman növü kimi qalmasını dəstəkləyir və bu istiqamətdə addım atmağa hazırdır".

Nazir onu da qeyd edib ki, güləş Azərbaycan üçün çox vacibdir: "Çünki bu bizim tarixi idman növümüzdür".

Məqalədə:
Xəbər lenti

Xəbər lenti