Azərbaycan, Bakı, 17 oktyabr /Trend/
"Land of Fire Azerbaijan" (Odlar Yurdu Azərbaycan) "Golden Foot" mükafatının sponsoru olması ilə bağlı xəbər vermişdik.
Trend-in klubun rəsmi saytına istinadən verdiyi məlumata görə, Monakoda keçirilən qala-gecədə "Bakı"nın prezidenti Hafiz Məmmədov da iştirak edib.
Həmçinin, "Lans"ın prezidenti Jerve Martel, Monako Knyazı II Albert, əfsanəvi futbolçular Jan Pyer-Papen, Karlos Valderrama və Osvaldo Ardiles, keçmiş telejurnaist Altay Əliyev təqdimetmə mərasiminə qatılıblar.
Qala-gecədən sonra Hafiz Məmmədov "Golden Foot"un qalibi Didye Droqba ilə görüşərək futbolçunu təbrik edib və ona gələcək karyerasında uğurlar arzulayıb.