Bakı. Trend:
Məkkə Sazişi Yaxın Şərq ölkələrinin bir araya gələrək öz təhlükəsizliklərini daha effektiv təmin etməyə hazır olduqlarını nümayiş etdirir.
Bu barədə ABŞ Prezidenti Donald Tramp "Truth Social" sosial şəbəkəsində paylaşım edib.
"Çox şadam ki, Səudiyyə Ərəbistanı, Türkiyə və Pakistan nəhayət birgə müdafiəyə dair Məkkə Sazişini imzalayıblar. Bu, Yaxın Şərq ölkələrinin birləşdiyini və özlərini daha səmərəli müdafiə edə biləcəklərini göstərir. Bu üç ölkənin rəhbərliyini təbrik edirəm. Bu, böyük, cəsarətli və mühüm ilk addımdır", – deyə ABŞ lideri bildirib.
Xatırladaq ki, Türkiyə Prezidenti Rəcəb Tayyib Ərdoğan, Səudiyyə Ərəbistanının vəliəhdi və Baş naziri Məhəmməd bin Salman, eləcə də Pakistanın Baş naziri Şahbaz Şərif bu gün Məkkə Birgə Müdafiə Sazişini imzalayıblar. BMT Nizamnaməsinin 51-ci maddəsində təsbit olunmuş qanuni özünümüdafiə hüququna əsaslanan sazişə görə, onu imzalayan üç dövlətdən hər hansı birinə qarşı həyata keçirilən silahlı hücum bütün tərəflərə qarşı edilmiş hücum kimi qəbul olunacaq.
