Azərbaycan, Bakı, 28 dekabr /Trend/
31 dekabr - Dünya Azərbaycanlılarının Həmrəylik Günü və Yeni il münasibətilə Azərbaycan Velosiped İdmanı Federasiyası, Dənizkənarı Milli Park İdarəsi ilə birlikdə dekabr ayının 29-u, saat 16:00-da velosiped həvəskarları üçün yürüş keçirəcəkdir.
Federasiyanın mətbuat xidmətindən Trend-ə verilən məlumata görə, veloyürüş Əl Oyunları İdman Sarayının yanından start götürəcək və saat qülləsinin yanında başa catacaq.
Velosipedi olmayanlar federasiya tərəfindən velosipedlə təmin ediləcək, kiçik yaşlı uşaqlara yeni il hədiyyələri təqdim olunacaq.
Azərbaycan Velosiped İdmanı Federasiyası bütün velosiped həvəskarlarını dekabrın 29-da bayram yürüşünə dəvət edir və bayram sevincini birgə yaşamağa çağırır.