...

2022-ci il futbol üzrə dünya çempionatının keçirilmə vaxtı gələn il məlum olacaq

İdman Materials 26 Yanvar 2014 12:23 (UTC +04:00)
FIFA prezidenti Yozef Blatter bəyan edib ki, 2022-ci ildə Qətərdə futbol üzrə dünya çempionatının keçirilmə vaxtı ilə bağlı qərar 2015-ci ildən tez qəbul edilməyəcək. Bu barədə Trend RİA Novosti-yə istinadən məlumat verir.
2022-ci il futbol üzrə dünya çempionatının keçirilmə vaxtı gələn il məlum olacaq

Azərbaycan, Bakı, 26 yanvar /Trend/

FIFA prezidenti Yozef Blatter bəyan edib ki, 2022-ci ildə Qətərdə futbol üzrə dünya çempionatının keçirilmə vaxtı ilə bağlı qərar 2015-ci ildən tez qəbul edilməyəcək. Bu barədə Trend RİA Novosti-yə istinadən məlumat verir.

Y.Blatter Sankt Peterburqda mətbuat konfransında bildirib: "Biz təzəlikcə 2018-ci il dünya çempionatına hazırlaşırıq, lakin diqqət 2022-ci ilə yönəlib. Biz əvvəlcə 2014-cü il dünya çempionatını başa vurmalıyıq, 2015-ci ildə konqresdən sonra isə qışda oynaya bilib-bilməyəcəyimizlə bağlı qərar qəbul edəcəyik. Qərar hələ qəbul edilməyib, bizim 8 il vaxtımız var".

FIFA prezidenti əlavə edib ki, ərəb ölkələrinin dünya çempionatına çıxışı olmalıdır: "Mən meteorologiya üzrə mütəxəssis deyiləm, hazırda bununla ekspertlər məşğuldurlar. Yayda bu regionda futbol oynamaq asan olmayacaq. Bütün maraqlı tərəflərlə məsləhətləşmələr açıqdır. Beynəlxalq təqvimdə dəyişiklik edilə bilər. Qərar verilsə, bunu hamı qəbul etməlidir".

Qeyd edək ki, yanvarın əvvəlində FIFA-nın baş katibi Jerom Valke 2022-ci il futbol üzrə dünya çempionatının yayda deyil, qışda keçiriləcəyini bildirmişdi.

Məqalədə:
Xəbər lenti

Xəbər lenti