Azərbaycan, Bakı, 7 fevral /Trend/
FIFA prezidenti Zepp Blatter ali futbol qurumunun rəhbəri vəzifəsinə keçiriləcək seçkilərdə yenidən iştirak etməyi düşünür.
Trend-in "İnterfaks"a istinadən verdiyi məlumata görə, Z.Blatter səhhəti imkan verəcəyi təqdirdə seçkilərə qatılacağını bildirib: "İndiki kimi sağlam olsam, işimi dayandırmağa bir səbəb görmürəm".
FIFA prezidenti vəzifəsinə növbəti seçkilər 2015-ci ildə keçiriləcək. 77 yaşlı isveçrəli artıq 16 ildir ali futbol qurumuna rəhbərlik edir.
Təşkilatın baş katibinin sabiq müavini fransalı Jerom Şampan da namizədliyini irəli sürəcəyini deyib.