Azərbaycan, Bakı, 19 sentyabr /Trend/
Şahmat üzrə dünya kubokunda 1/8 finala vəsiqə uğrunda tay-breyklər başlanıb.
Trend xəbər verir ki, tay-breyk iştirakçıları sırasında azərbaycanlı qrossmeyster Teymur Rəcəbov da var.
Yarışların 1/16 finalında Azərbaycan təmsilçisi və onun rusiyalı rəqibi Pyotr Svidler "klassik" partiyaları heç-heçə başa çatdırıblar. Onlar münasibətlərini sürətli şahmat oyununda aydınlaşdırırlar.
Xatırladaq ki, kubokun finalçıları şahmat üzrə dünya çempionu adı uğrunda matçda iştirak etmək üçün iddiaçıların turnirinə vəsiqə qazanacaq.