Azərbaycan, Bakı, 21 oktyabr /Trend/
Azərbaycan Respublikası Atçılıq Federasiyasının təşkilatçılığı ilə Binə Atçılıq Mərkəzinin qapalı manejində çövkən atüstü milli oyunu üzrə 4-cü Azərbaycan çempionatı sona yaxınlaşır.
Federasiyadan Trend-ə verilən məlumata görə, turnirin yarımfinal mərhələsində çıxış edəcək komandalar məlum olub. Nəticələr belədir:
¼ final:
"Ağcabədi" - "Sərhədçi" 0-7
"Laçın" - "Ağstafa" 0-1
"Köhlən" - "Qarabağ" Ağdam 0-4
"Polad" - "Şəki" +/-
Yarımfinal:
"Qarabağ" Ağdam - "Polad"
"Sərhədçi" - "Ağstafa"
Qeyd edək ki, oktyabrın 22-də Binə Atçılıq Mərkəzinin qapalı manejində keçiriləcək yarımfinal mərhələsi saat 10:00-da, oktyabrın 24-də keçiriləcək çempionatın final oyunu isə saat 16:00-da başlayacaq.